நடிகை சமந்தா ரூத் பிரபு தனது கர்ப்ப காலத்தின் அழகான கட்டத்தை கடந்து வரும் நிலையில், அவர் தற்போது பகிர்ந்துள்ள புதிய இன்ஸ்டாகிராம் பதிவு சமூக வலைதளங்களில் கவனம் பெற்றுள்ளது. ஸ்ரீவித்யா பாரம்பரியத்தின் ஒரு பகுதியாகக் கருதப்படும் ‘கலா ஆவரணம்’ (ஸ்ரீகல்பம்) சடங்கில் கலந்து கொண்டபோது எடுத்த புகைப்படங்களையும், அந்த அனுபவத்தையும் நடிகை பகிர்ந்துள்ளார்.
இந்த சடங்குகள் குறித்து அதிகம் அறிந்திருக்காமலேயே தான் நிகழ்ச்சிக்கு வந்ததாக சமந்தா குறிப்பிட்டுள்ள சமந்தா, ஒவ்வொரு சடங்கிற்குப் பின்னாலும் இருக்கும் அர்த்தத்தையும் முக்கியத்துவத்தையும் உபாசகரான பூசாரி விளக்கியபோது தான் ஆச்சரியமடைந்ததாகவும் அவர் தெரிவித்துள்ளார்.
இந்த சடங்கில் தன்னை மிகவும் நெகிழச் செய்த விஷயம், தாயை ஒரு தேவியாகவும், புதிய உயிரை உலகிற்கு கொண்டு வரும் படைப்பாளியாகவும் மதிக்கும் விதம் தான். வயிற்றில் வளரும் குழந்தையுடன், தாயாக ஒரு புதிய வாழ்க்கைக் கட்டத்திற்குள் அடியெடுத்து வைக்கும் பெண்ணுக்கும் இது மிகப்பெரிய ஆசீர்வாதமாக இருக்கும் என்றும் அவர் குறிப்பிட்டுள்ளார்.
மந்திர உச்சரிப்புகளில் உள்ள ஆற்றலிலும், தலைமுறை தலைமுறையாகக் கடத்தப்பட்டு வரும் பாரம்பரிய சடங்குகளிலும் தனக்கு மிகுந்த நம்பிக்கை இருப்பதாக தெரிவித்துள்ள சமந்தா, சடங்கின்போது உச்சரிக்கப்படும் மந்திரங்கள் தாயையும் குழந்தையையும் சுற்றி ஒரு பாதுகாப்பு வளையத்தை உருவாக்கும் என்றும், குழந்தை பிறப்பதற்கு முன்பே அதற்கு ஒரு ஆன்மிகப் பண்பாட்டை வழங்குவதாகவும் தனது பதிவில் அவர் குறிப்பிட்டுள்ளார்.
ஸ்ரீசக்கர யந்திரத்தின் மையத்தில் அமர வைத்து நடத்தப்பட்ட அபிஷேகமும், தேவி கட்கமாலா ஜபமும் தனது மனதிற்கு மிகுந்த அமைதியையும் ஆழ்ந்த புரிதலையும் அளித்ததாகவும் சமந்தா பகிர்ந்துள்ளார். மஞ்சள் நிற பாரம்பரிய உடையில் சடங்கில் கலந்து கொண்ட சமந்தாவின் புகைப்படங்களையும் ரசிகர்கள் ஏற்கனவே பெரிதும் வரவேற்றுள்ளனர். இந்தப் பதிவு வெளியான சிறிது நேரத்திலேயே ஏராளமான லைக்குகளும் கருத்துகளும் குவிந்தன.
நயன்தாரா உள்ளிட்ட திரையுலக பிரபலங்கள் இந்தப் பதிவுக்கு லைக் செய்த நிலையில், நஸ்ரியா நசீம் அன்பை வெளிப்படுத்தும் வகையில் கருத்து தெரிவித்துள்ளார். சமந்தாவின் வாழ்க்கையின் புதிய கட்டத்திற்கு வாழ்த்துகளைத் தெரிவித்து ஏராளமான ரசிகர்களும் தங்களது அன்பை வெளிப்படுத்தி வருகின்றனர்.