தமிழகத்தில் மதுராந்தகம் (தனி) மற்றும் தாராபுரம் (தனி) ஆகிய இரு சட்டமன்றத் தொகுதிகளுக்கான இடைத்தேர்தல் வரும் அக்டோபர் 6-ஆம் தேதி நடைபெறவுள்ளது. இந்த நிலையில், மதச்சார்பற்ற முற்போக்குக் கூட்டணியின் சார்பில் போட்டியிடும் திமுக வேட்பாளர்களின் பட்டியலை கழகத் தலைவர் மு.க.ஸ்டாலின் அதிகாரப்பூர்வமாக வெளியிட்டுள்ளார்.
அதன்படி, மதுராந்தகம் (தனி) தொகுதியில் திமுக சட்டத்துறை இணைச் செயலாளரான வழக்கறிஞர் ஐ.பரந்தாமன் போட்டியிடுகிறார். முன்னதாக, இவர் சென்னை எழும்பூர் தொகுதியில் போட்டியிட்ட அனுபவம் கொண்டவர். அதேபோல, தாராபுரம் (தனி) தொகுதியில் வழக்கறிஞர் எஸ்.சுகன்யா வேட்பாளராகக் களமிறக்கப்பட்டுள்ளார்.
சட்டப்பேரவைத் இடைத்தேர்தல் – 2026 மதுராந்தகம், தாராபுரம் ஆகிய தொகுதிகளில் மதச்சார்பற்ற முற்போக்குக் கூட்டணி சார்பில் போட்டியிடும் தி.மு.கழக வேட்பாளர்கள் – கழகத் தலைவர் திரு மு.க.ஸ்டாலின் அவர்கள் அறிவிப்பு pic.twitter.com/FG9ZAOB4xI
— DMK (@arivalayam) September 9, 2026
இந்த இடைத்தேர்தலில் அதிமுக மற்றும் தமிழக வெற்றிக் கழகம் போன்ற பிற பிரதான அரசியல் கட்சிகள் இன்னும் தங்களது வேட்பாளர்களை முறைப்படி அறிவிக்காத நிலையில், திமுக முந்திக்கொண்டு முதற்கட்டமாக வேட்பாளர் பட்டியலை வெளியிட்டுத் தேர்தல் காய்நகர்த்தலைத் தொடங்கியுள்ளது. இதனால் இரு தொகுதிகளிலும் தேர்தல் களம் தற்போதே தீவிரமடையத் தொடங்கியுள்ளது.