மும்பையில் மோடி பங்கேற்கும் நிகழ்ச்சியில் பரபரப்பு; அதிகாரி போல் ஆள்மாறாட்டம் செய்த நபர் துப்பாக்கியுடன் கைது

எழுதியவர்: Manish Kumar Pathak

மும்பை பாந்த்ரா-குர்லா காம்ப்ளக்ஸில் (BKC) உள்ள நீதா முகேஷ் அம்பானி கலாச்சார மையத்தில் (NMACC), பிரதமர் நரேந்திர மோடி கலந்துகொள்ளவிருந்த நிகழ்வுக்கு முன்னதாக நடைபெற்ற பாதுகாப்பு சோதனையின் போது, பிரதமர் அலுவலக (PMO) அதிகாரி போல் ஆள்மாறாட்டம் செய்ததாக ஒரு நபரை மும்பை போலீசார் கைது செய்துள்ளனர். அந்த நபரிடம் உரிமம் பெற்ற கைத்துப்பாக்கி ஒன்றும் இருந்ததாக அதிகாரிகள் தெரிவித்தனர்.

பிரதமர் மோடியின் வருகையை முன்னிட்டு அந்த பகுதியில் பலத்த பாதுகாப்பு ஏற்பாடுகள் செய்யப்பட்டிருந்தன.

இந்த செய்தியை ஆங்கிலத்தில் படிக்க இங்கே க்ளிக் செய்யவும்.

போலீசாரின் கூற்றுப்படி, சந்தேகத்திற்குரிய அந்த நபர் திங்கள்கிழமை மாலை காார் (Khar) பகுதியைச் சேர்ந்த மற்றொரு நபருடன் பி.கே.சி பகுதிக்கு வந்துள்ளார். அவருடன் வந்த நபர் தனது மெய்க்காப்பாளராக உடனுிருந்துள்ளார். பாதுகாப்பு சோதனையின் போது, அந்த மெய்க்காப்பாளர் தான் ஒரு பிரதமர் அலுவலக அதிகாரி என்று கூறியதாகக் கூறப்படுகிறது. அப்பகுதியின் தீவிர பாதுகாப்புத் தன்மை மற்றும் பலப்படுத்தப்பட்ட பாதுகாப்பு ஏற்பாடுகளைக் கருத்தில் கொண்டு, போலீசார் விரிவான விசாரணையை நடத்தினர்.

விசாரணையின் போது, காவல் துறையினர் காரைச் சேர்ந்த நபரின் வாக்குமூலத்தைப் பதிவு செய்து, பின்னர் அவரை விடுவித்தனர். இருப்பினும், அந்த நபரின் மெய்க்காப்பாளராகப் பணியாற்றிய நபர் கூடுதல் விசாரணைக்காகக் காவலில் வைக்கப்பட்டார்.

விசாரணையைத் தொடர்ந்து, பிரதமர் அலுவலக அதிகாரி போல் ஆள்மாறாட்டம் செய்ததற்காக பி.கே.சி காவல்துறையினர் அவர் மீது வழக்குப் பதிவு செய்துள்ளனர் என்று காவல் அதிகாரி ஒருவர் தெரிவித்துள்ளார். அவர் எந்தச் சூழ்நிலையில் பிரதமர் அலுவலக அதிகாரி போல் காட்டிக்கொள்ள முயன்றார் மற்றும் அதிபாதுகாப்பு மண்டலத்திற்குள் நுழைய முயன்றார் என்பதன் பின்னணியை காவல்துறையினர் தீவிரமாகச் சரிபார்த்து வருகின்றனர்.